இப்னுமாஜா பக்கம் – 22

பக்கம் – 22 (ஹதீஸ்கள் 211 முதல் 220 வரை)

அத்தியாயம்: முகத்திமா – முகப்பு

211 حدثنا محمد بن بَشَّارٍ ثنا يحيى بن سَعِيدٍ الْقَطَّانُ ثنا شُعْبَةُ وَسُفْيَانُ عن عَلْقَمَةَ بن مَرْثَدٍ عن سَعْدِ بن عُبَيْدَةَ عن أبي عبد الرحمن السُّلَمِيِّ عن عُثْمَانَ بن عَفَّانَ قال قال رسول اللَّهِ (ص) قال شُعْبَةُ خَيْرُكُمْ وقال سُفْيَانُ أَفْضَلُكُمْ من تَعَلَّمَ الْقُرْآنَ وَعَلَّمَهُ

திருக்குர்ஆனைக் கற்றுக் கொள்வதும் கற்றுக் கொடுப்பதும்

ஹதீஸ் எண்: 211

‘குர்ஆனைக் கற்பவரும், அதனைக் கற்றுக் கொடுப்பவருமே உங்களில் மிகச் சிறந்தவர்கள்’ என்று நபி (ஸல்) அவர்கள் கூறியதாக உஸ்மான் இப்னு அப்பான் (ரல)ி அறிவிக்கிறார்கள்.

(குறிப்பு: புகாரி, அபூதாவூத், திர்மிதி ஆகிய நூல்களிலும் இந்த ஹதீஸ் இடம் பெற்றுள்ளது.)

212 حدثنا عَلِيُّ بن مُحَمَّدٍ ثنا وَكِيعٌ ثنا سُفْيَانُ عن عَلْقَمَةَ بن مَرْثَدٍ عن أبي عبد الرحمن السُّلَمِيِّ عن عُثْمَانَ بن عَفَّانَ قال قال رسول اللَّهِ (ص) أَفْضَلُكُمْ من تَعَلَّمَ الْقُرْآنَ وَعَلَّمَهُ

ஹதீஸ் எண்: 212

அதே ஹதீஸ் வேறு அறிவிப்பாளர் வழியாகப் பதிவு செய்யப்பட்டுள்ளது.

213 حدثنا أَزْهَرُ بن مَرْوَانَ ثنا الْحَارِثُ بن نَبْهَانَ ثنا عَاصِمُ بن بَهْدَلَةَ عن مُصْعَبِ بن سَعْدٍ عن أبيه قال قال رسول اللَّهِ (ص) خِيَارُكُمْ من تَعَلَّمَ الْقُرْآنَ وَعَلَّمَهُ قال وَأَخَذَ بِيَدِي فَأَقْعَدَنِي مَقْعَدِي هذا أقرىء

ஹதீஸ் எண்: 213

மேற்கூறிய ஹதீஸே வேறு அறிவிப்பாளர் வழியாகப் பதிவு செய்யப்பட்டுள்ளது.

214 حدثنا محمد بن بَشَّارٍ وَمُحَمَّدُ بن الْمُثَنَّى قالا ثنا يحيى بن سَعِيدٍ عن شُعْبَةَ عن قَتَادَةَ عن أَنَسِ بن مَالِكٍ عن أبي مُوسَى الْأَشْعَرِيِّ عن النبي (ص) قال مَثَلُ الْمُؤْمِنِ الذي يَقْرَأُ الْقُرْآنَ كَمَثَلِ الْأُتْرُجَّةِ طَعْمُهَا طَيِّبٌ وَرِيحُهَا طَيِّبٌ وَمَثَلُ الْمُؤْمِنِ الذي لَا يَقْرَأُ الْقُرْآنَ كَمَثَلِ التَّمْرَةِ طَعْمُهَا طَيِّبٌ ولا رِيحَ لها وَمَثَلُ الْمُنَافِقِ الذي يَقْرَأُ الْقُرْآنَ كَمَثَلِ الرَّيْحَانَةِ رِيحُهَا طَيِّبٌ وَطَعْمُهَا مُرٌّ وَمَثَلُ الْمُنَافِقِ الذي لَا يَقْرَأُ الْقُرْآنَ كَمَثَلِ الْحَنْظَلَةِ طَعْمُهَا مُرٌّ ولا رِيحَ لها

ஹதீஸ் எண்: 214

திருக்குர்ஆனை ஓதிவருகின்ற மூமினுக்கு உவமை ‘உத்ருஜ்ஜா’ எனும் பழம் போன்றதாகும். அதன் சுவையும் சிறந்தது, அதன் வாசனையும் சிறந்தது. குர்ஆனை ஓதிவராத மூமினுக்கு உவமை, பேரீத்தம்பழம் போன்றதாகும். அதன் சுவை சிறந்தது, ஆனால் அதற்கு வாசம் எதுவும் இல்லை. குர்ஆனை ஓதிவருகின்ற முனாபிக் (வேஷதாரி)யின் உவமை, ‘ரைஹானா’ எனும் பழம் போன்றதாகும். அதன் வாசனை சிறந்தது. அதன் சுவையோ கசப்பு. குர்ஆனை ஓதிவராத முனாபிக் உடைய உவமை ‘எட்டிக்காய்’ போன்றது. அதன் சுவையும் கசப்பு, அதற்கு வாசனையும் இல்லை’ என்று நபி (ஸல்) அவர்கள் கூறியதாக அபூமூஸா அல் அஷ்அரீ (ரலி) அறிவிக்கிறார்கள்.

(குறிப்பு: இந்த ஹதீஸ் அபூதாவூதிலும் இடம் பெறுகின்றது. எனினும் ‘முனாபிக்’ என்பதற்கு பதிலாக பாஜிர் (பாவி) என்ற வாசகம் இடம் பெற்றுள்ளது.)

215 حدثنا بَكْرُ بن خَلَفٍ أبو بِشْرٍ ثنا عبد الرحمن بن مَهْدِيٍّ ثنا عبد الرحمن بن بُدَيْلٍ عن أبيه عن أَنَسِ بن مَالِكٍ قال قال رسول اللَّهِ (ص) إِنَّ لِلَّهِ أَهْلِينَ من الناس قالوا يا رَسُولَ اللَّهِ من هُمْ قال هُمْ أَهْلُ الْقُرْآنِ أَهْلُ اللَّهِ وَخَاصَّتُهُ

ஹதீஸ் எண்: 215

‘அல்லாஹ்வுக்கு, பிரத்தியேகமான மனிதர்களும் உள்ளனர்’ என்று நபி (ஸல்) அவர்கள் கூறியபோது, ‘அல்லாஹ்வின் தூதரே! அவர்கள் யார்?’ என்று நபித்தோழர்கள் கேட்டனர். ‘குர்ஆனை உடையவர்கள் அல்லாஹ்வுக்கு நெருக்கமானவர்களும், பிரத்தியேகமானவர்களுமாவர்’ என்று நபி (ஸல்) பதிலளித்தார்கள் என் அனஸ் ரலி அறிவிக்கிறார்கள்.

216 حدثنا عَمْرُو بن عُثْمَانَ بن سَعِيدِ بن كَثِيرِ بن دِينَارٍ الْحِمْصِيُّ ثنا محمد بن حَرْبٍ عن أبي عُمَرَ عن كَثِيرِ بن زَاذَانَ عن عَاصِمِ بن حمزة عن عَلِيِّ بن أبي طَالِبٍ قال قال رسول اللَّهِ (ص) من قَرَأَ الْقُرْآنَ وَحَفِظَهُ أَدْخَلَهُ الله الْجَنَّةَ وَشَفَّعَهُ في عَشَرَةٍ من أَهْلِ بَيْتِهِ كلهم قد استوجب النَّارَ

ஹதீஸ் எண்: 216

‘யார் குர்ஆனை ஓதி அதைப் பேணி நடக்கின்றாரோ, அவரை அல்லாஹ் சுவர்க்கத்தில் நுழையச் செய்கிறான். நரகத்திற்கு உரித்தாகி விட்ட அவரது குடும்பத்தில் பத்து நபர்களுக்காக அவரைப் பரிந்துரை செய்ய வைக்கிறான்’ என்று நபி (ஸல)் அவர்கள் கூறியதாக அலி (ரலி) அறிவிக்கிறார்கள்.

(குறிப்பு: அஹ்மத், தாரிமி, திர்மிதியிலும் இந்த ஹதீஸ் இடம் பெற்றுள்ளது. இது பலவீனமான ஹதீஸ் என்று திர்மிதி குறிப்பிடுகிறார்கள்.)

217 حدثنا عَمْرُو بن عبد اللَّهِ الْأَوْدِيُّ ثنا أبو أُسَامَةَ عن عبد الْحَمِيدِ بن جَعْفَرٍ عن الْمَقْبُرِيِّ عن عَطَاءٍ مولى أبي أَحْمَدَ عن أبي هُرَيْرَةَ قال قال رسول اللَّهِ (ص) تَعَلَّمُوا الْقُرْآنَ واقرؤوه وَارْقُدُوا فإن مَثَلَ الْقُرْآنِ وَمَنْ تَعَلَّمَهُ فَقَامَ بِهِ كَمَثَلِ جِرَابٍ مَحْشُوٍّ مِسْكًا يَفُوحُ رِيحُهُ كُلَّ مَكَانٍ وَمَثَلُ من تَعَلَّمَهُ فَرَقَدَ وهو في جَوْفِهِ كَمَثَلِ جِرَابٍ أُوكِيَ على مِسْكٍ

ஹதீஸ் எண்: 217

‘குர்ஆனைக் கற்றுக் கொள்ளுங்கள்! அதனை ஓதுங்கள்! குர்ஆனுக்கும், அதைக் கற்றுச் செயல்பட்டவருக்கும் உவமை கஸ்தூரி நிரப்பப்பட்ட தோல்பை போன்றதாகும். அதன் நறுமணம் எல்லாப்பக்கமும் வீசுகின்றது. குர்ஆனைக் கற்று தனக்குள்ளே வைத்துக் கொண்டு (பிறருக்குச் சொல்லாது) தூங்குபவனது உவமை, கஸ்தூரி நிரப்பப்பட்டு பின்னர் (நறுமணம் வெளியேறாதவாறு) அதன் வாய் கட்டப்பட்டிருப்பது போலாகும்’ என்று நபி (ஸல்) அவர்கள் கூறினார்கள் என அலி (ரலி) அறிவிக்கிறார்கள்.

218 حدثنا أبو مَرْوَانَ محمد بن عُثْمَانَ الْعُثْمَانِيُّ ثنا إِبْرَاهِيمُ بن سَعْدٍ عن بن شِهَابٍ عن عَامِرِ بن وَاثِلَةَ أبي الطُّفَيْلِ أَنَّ نَافِعَ بن عبد الحرث لَقِيَ عُمَرَ بن الْخَطَّابِ بِعُسْفَانَ وكان عُمَرُ اسْتَعْمَلَهُ على مَكَّةَ فقال عُمَرُ من اسْتَخْلَفْتَ على أَهْلِ الْوَادِي قال اسْتَخْلَفْتُ عليهم بن أبزي قال وَمَنْ بن أبزي قال رَجُلٌ من مَوَالِينَا قال عُمَرُ فَاسْتَخْلَفْتَ عليهم مَوْلًى قال إنه قَارِئٌ لِكِتَابِ اللَّهِ تَعَالَى عَالِمٌ بِالْفَرَائِضِ قَاضٍ قال عُمَرُ أَمَا إِنَّ نَبِيَّكُمْ (ص) قال إِنَّ اللَّهَ يَرْفَعُ بهذا الْكِتَابِ أَقْوَامًا وَيَضَعُ بِهِ آخَرِينَ

ஹதீஸ் எண்: 218

நாஃபிவு இப்னு அப்துல்ஹாரிஸ் என்பவரை மக்கா நகரின் நிர்வாகியாக உமர் (ரலி) அவர்கள் நியமனம் செய்திருந்தார்கள். அவரை ‘உஸ்ஃபான்’ என்ற இடத்தில் வைத்து உமர் (ரலி) அவர்கள் சந்தித்த போது, ‘அந்தப் பள்ளத்தாக்குப் பகுதிக்கு யாரை பொறுப்பாளராக ஆக்கியுள்ளீர்?’ என்று கேட்டார்கள். அதற்கு நாஃபிவு அவர்கள் ‘இப்னு அப்ஸா என்பவரை பொருப்பாளராக ஆக்கியுள்ளேன்’ என்றார். இப்னு அப்ஸா என்பவர் யார்? என்று உமர் (ரலி) கேட்டார்கள். ‘அவர் நமது (எனது) அடிமைகளில் ஒருவர்’ என்று நாஃபிவு பதிலளித்தார்கள். ‘ஒரு அடிமையைப் பொருப்பாளராக ஆக்கியுள்ளீரா?’ என்று உமர் (ரலி) அவர்கள் கேட்க ‘அந்த அடிமை அல்லாஹ்வின் வேதத்தை (நன்கு உணர்ந்து) ஓதுபவர், பாகப்பிரிவினை சட்டங்களை நன்கு அறிந்தவர்’ என்று நாஃபிவு பதிலளித்தார். இதைக் கேட்ட உமர் (ரலி) அவர்கள் ‘இந்த வேதத்தின் மூலம் சிலரை அல்லாஹ் உயர்த்துகிறான், மற்றும் சிலரைத் தாழ்த்துகிறான் என்று உங்கள் நபி (ஸல்) அவர்கள் கூறியிருக்கிறார்கள் என்று கூறினார்கள் என அபுத்துபைல் என்ற ஆமிர் இப்னு வாஸிலா என்பார் அறிவிக்கின்றார்.

(குறிப்பு: இந்த செய்தி முஸ்லிமிலும் இடம் பெற்றுள்ளது.)

219 حدثنا الْعَبَّاسُ بن عبد اللَّهِ الْوَاسِطِيُّ ثنا عبد اللَّهِ بن غَالِبٍ الْعَبَّادَانِيُّ عن عبد اللَّهِ بن زِيَادٍ الْبَحْرَانِيِّ عن عَلِيِّ بن زَيْدٍ عن سَعِيدِ بن الْمُسَيَّبِ عن أبي ذَرٍّ قال قال لي رسول اللَّهِ (ص) يا أَبَا ذَرٍّ لَأَنْ تَغْدُوَ فَتَعَلَّمَ آيه من كِتَابِ اللَّهِ خَيْرٌ لك من أَنْ تُصَلِّيَ مِائَةَ رَكْعَةٍ وَلَأَنْ تَغْدُوَ فَتَعَلَّمَ بَابًا من الْعِلْمِ عُمِلَ بِهِ أو لم يُعْمَلْ خَيْرٌ من أَنْ تُصَلِّيَ أَلْفَ رَكْعَةٍ

ஹதீஸ் எண்: 219

அபூதர்ரே! நீ காலைப் பொழுதில் புறப்பட்டு அல்லாஹ்வின் வேதத்தில் ஒரு வசனத்தைக் கற்றுக் கொள்வது, நீ நூறு ரக்அத்கள் தொழுவதை விட சிறந்ததாகும். மார்க்கக் கல்வி சம்பந்தமான ஒரு சட்டத்தை நீ காலையில் புறப்பட்டுச் சென்று அறிந்து கொள்வது நீ ஆயிரம் ரக்அத்கள் தொழுவதை விடவும் சிறந்ததாகும். அந்தச் சட்டத்தின் படி செயல்பட்டாலும், செயல்படா விட்டாலும் (அது ஆயிரம் ரக்அத்கள் தொழுவதை விட சிறந்ததாகும்.) என்று தன்னிடம் நபி (ஸல்) அவர்கள் கூறியதாக அபூதர் (ரலி) அறிவிக்கிறார்கள்.

(குறிப்பு: இந்த ஹதீஸின் மூன்றாவது அறிவிப்பாளராகிய அலீ இப்னு ஸைத் இப்னு ஜத்ஆன் என்பவரும், அவரிடமிருந்து அறிவிக்கும் நான்காவது அறிவிப்பாளராகிய அப்துல்லாஹ் இப்னு ஸியாத் அல்பஹ்ரானி என்பவரும் பலவீனமானவர்களாக உள்ளதால் இது பலவீனமான ஹதீஸாகும். மேலும் கருத்து அடிப்படையில் கவனிக்கும் போது இது இட்டுக்கட்டப்பட்டதாகவும் அமைந்துள்ளது.)

 بَاب فَضْلِ الْعُلَمَاءِ وَالْحَثِّ على طَلَبِ الْعِلْمِ  

220 حدثنا بَكْرُ بن خَلَفٍ أبو بِشْرٍ ثنا عبد الأعلى عن مَعْمَرٍ عن الزُّهْرِيِّ عن سَعِيدِ بن الْمُسَيَّبِ عن أبي هُرَيْرَةَ قال قال رسول اللَّهِ (ص) من يُرِدْ الله بِهِ خَيْرًا يُفَقِّهْهُ في الدِّينِ  

அறிஞர்களின் சிறப்பும் கல்வி கற்பதில் ஆர்வமூட்டுதலும்

ஹதீஸ் எண்: 220

யாருக்கேனும் அல்லாஹ் நன்மை புரிய நாடினால் அவரை மார்க்க விஷயத்தில் ஞானமுடையவராக ஆக்குகின்றான் என்று நபி (ஸல்) கூறியதாக அபூஹுரைரா (ரலி) அறிவிக்கிறார்கள்.

(குறிப்பு: இந்த ஹதீஸ் புகாரி, முஸ்லிமிலும் இடம் பெற்றுள்ளது. இதை இப்னு அப்பாஸ் (ரலி) வழியாக இமாம் திர்மிதி அவர்கள் பதிவு செய்துள்ளார்கள்.)

By admin