இப்னுமாஜா பக்கம் – 23

பக்கம் – 23 (ஹதீஸ்கள் 221 முதல் 230 வரை)

அத்தியாயம்: முகத்திமா – முகப்பு

221 حدثنا هِشَامُ بن عَمَّارٍ ثنا الْوَلِيدُ بن مُسْلِمٍ مَرْوَانُ بن جَنَاحٍ عن يُونُسَ بن مَيْسَرَةَ بن حَلْبَسٍ أَنَّهُ حدثه قال سمعت مُعَاوِيَةَ بن أبي سُفْيَانَ يحدث عن رسول اللَّهِ (ص) أَنَّهُ قال الْخَيْرُ عَادَةٌ وَالشَّرُّ لَجَاجَةٌ وَمَنْ يُرِدْ الله بِهِ خَيْرًا يُفَقِّهْهُ في الدِّينِ

ஹதீஸ் எண்: 221

‘நல்ல காரியங்கள் (தொடர்ந்து செய்யப்படும்) வழக்கமாக அமைந்திருக்கும். தீமையான காரியங்கள் (வழக்கத்தை மீறி ஷைத்தானின்) தூண்டுதலால் ஏற்படும். (அதாவது நன்மையான காரியங்களை எவரது நிர்பந்தத்திற்காகவும் இல்லாமல் இயல்பாக விரும்பி – வழக்கமாக செய்து வர வேண்டும். தீய காரியங்கள் அவனையும் மீறி எப்போதாவது ஷைத்தானின் தூண்டுதலால் தான் ஏற்பட வேண்டும்.) யாருக்கு அல்லாஹ் நன்மையை நாடுகின்றானோ அவரை மார்க்க விஷயத்தில் ஞானமுள்ளவனாக ஆக்குகிறான்’ என்று நபி (ஸல்) அவர்கள் கூறியதாக முஆவியா (ரலி) அறிவிக்கிறார்கள்.

(குறிப்பு: புகாரி, முஸ்லிம், இப்னு ஹிப்பான் ஆகிய நூல்களிலும் இந்த ஹதீஸ் இடம் பெற்றுள்ளது.)

222 حدثنا هِشَامُ بن عَمَّارٍ ثنا الْوَلِيدُ بن مُسْلِمٍ ثنا رَوْحُ بن جَنَاحٍ أبو سَعْدٍ عن مُجَاهِدٍ عن بن عَبَّاسٍ قال قال رسول اللَّهِ (ص) فَقِيهٌ وَاحِدٌ أَشَدُّ على الشَّيْطَانِ من أَلْفِ عَابِدٍ

ஹதீஸ் எண்: 222

‘ஆயிரம் வணக்கசாலிகளை விட, ஒரு மார்க்க அறிஞன் ஷைத்தானுக்கு மிகவும் பிரச்சனையானவன்’ என்று நபி (ஸல்) அவர்கள் கூறியதாக இப்னு அப்பாஸ் (ரலி) அறிவிக்கிறார்கள்.

(குறிப்பு: இந்த ஹதீஸின் நான்காவது அறிவிப்பாளராக இடம் பெறும் ரவ்ஹ் இப்னு ஜனாஹ் என்பவர் மறுக்கப்பட்டவர்.)

223 حدثنا نَصْرُ بن عَلِيٍّ الْجَهْضَمِيُّ ثنا عبد اللَّهِ بن دَاوُدَ عن عَاصِمِ بن رَجَاءِ بن حَيْوَةَ عن دَاوُدَ بن جَمِيلٍ عن كَثِيرِ بن قَيْسٍ قال كنت جَالِسًا عِنْدَ أبي الدَّرْدَاءِ في مَسْجِدِ دِمَشْقَ فَأَتَاهُ رَجُلٌ فقال يا أَبَا الدَّرْدَاءِ أَتَيْتُكَ من الْمَدِينَةِ مَدِينَةِ رسول اللَّهِ (ص) لِحَدِيثٍ بَلَغَنِي أَنَّكَ تُحَدِّثُ بِهِ عن النبي (ص) قال فما جاء بِكَ تِجَارَةٌ قال لَا قال ولا جاء بِكَ غَيْرُهُ قال لَا قال فَإِنِّي سمعت رَسُولَ اللَّهِ (ص) يقول من سَلَكَ طَرِيقًا يَلْتَمِسُ فيه عِلْمًا سَهَّلَ الله له طَرِيقًا إلى الْجَنَّةِ وَإِنَّ الْمَلَائِكَةَ لَتَضَعُ أَجْنِحَتَهَا رِضًا لِطَالِبِ الْعِلْمِ وَإِنَّ طَالِبَ الْعِلْمِ يَسْتَغْفِرُ له من في السَّمَاءِ وَالْأَرْضِ حتى الْحِيتَانِ في الْمَاءِ وَإِنَّ فَضْلَ الْعَالِمِ على الْعَابِدِ كَفَضْلِ الْقَمَرِ على سَائِرِ الْكَوَاكِبِ إِنَّ الْعُلَمَاءَ وَرَثَةُ الْأَنْبِيَاءِ إِنَّ الْأَنْبِيَاءَ لم يُوَرِّثُوا دِينَارًا ولا دِرْهَمًا إنما وَرَّثُوا الْعِلْمَ فَمَنْ أَخَذَهُ أَخَذَ بِحَظٍّ وَافِرٍ  

ஹதீஸ் எண்: 223

நான் அபூதர்தா (ரலி) என்ற நபித்தோழருடன் திமிஷ்க் (டமாஸ்கஸ்) நகரின் பள்ளியில் அமர்ந்திருந்தேன். அவரிடத்தில் ஒரு மனிதர் வந்து ‘அபூதர்தா அவர்களே! நபி (ஸல்) அவர்கள் கூறிய ஹதீஸை நீங்கள் அறிவிக்கிறீர்கள் என்ற காரணத்துக்காக நபி (ஸல்) அவர்களின் மதீனாவிலிருந்து உங்களிடம் வந்திருக்கிறேன்’ என்றார். அவரிடம் அபுதர்தா அவர்கள் ‘வியாபார நோக்கத்திற்காக நீ வரவில்லையல்லவா?’ என்றார்கள். அவர் ‘இல்லை’ என்றார். ‘வேற எந்த நோக்கமும் இல்லையல்லவா?’ என்று அபூதர்தா (ரலி) அவர்கள் கேட்டுவிட்டு, ‘யார் கல்வியைத் தேடி ஒரு வழியில் செல்கிறாரோ, சுவர்க்கத்தின் பால் செல்லும் வழியை அல்லாஹ் அவருக்கு எளிதாக்குகின்றான். கல்வி கற்பவனைத் திருப்தியுற்று வானவர்கள் தங்கள் சிறகுகளைத் தாழ்த்துகின்றனர். கல்வியைத் தேடுபவனுக்காக வானம், பூமியில் உள்ளவர்கள், தண்ணீரில் வாழும் மீன்கள் உட்பட பாவமன்னிப்புத் தேடுகின்றன. ஒரு வணக்கசாலியை விடவும், அறிஞனுக்குரிய சிறப்பாவது, ஏனைய நட்சத்திரங்களை விட சந்திரனுக்கு இருக்கும் சிறப்பு போன்றதாகும். நிச்சயமாக அறிஞர்கள் நபிமார்களின் வாரிசுகளாவர். நிச்சயமாக நபிமார்கள் தங்க நாணயங்களையோ, வெள்ளி நாணயங்களையோ விட்டுச் செல்ல வில்லை. கல்வியையே விட்டுச் சென்றனர். யார் அந்தக் கல்வியை அடைந்து கொள்கிறானோ அவன் பெரும் பாக்கியத்தை அடைந்தவனாவான்’ என்று நபி (ஸல்) கூறியதாக குறிப்பிட்டார் என் கஸீர் இப்னு கைஸ் அறிவிக்கிறார்.

(குறிப்பு: இந்த ஹதீஸ் அபூதாவூத், திர்மிதியிலும் இடம் பெற்று உள்ளது, இரண்டாம் அறிவிப்பாளராகிய கஸீர் இப்னு கைஸ் என்பவர் பலவீனமானவராவார். மேலும் அவர் மூலம் அறிவிக்கின்ற அடுத்த அறிவிப்பாளர் தாவூத் இப்னு ஜமீல் என்பவர் யாரென்றே தெரியாதவராவார்.)

224 حدثنا هِشَامُ بن عَمَّارٍ ثنا حَفْصُ بن سُلَيْمَانَ ثنا كَثِيرُ بن شِنْظِيرٍ عن مُحَمَّدِ بن سِيرِينَ عن أَنَسِ بن مَالِكٍ قال قال رسول اللَّهِ (ص) طَلَبُ الْعِلْمِ فَرِيضَةٌ على كل مُسْلِمٍ وَوَاضِعُ الْعِلْمِ عِنْدَ غَيْرِ أَهْلِهِ كَمُقَلِّدِ الْخَنَازِيرِ الْجَوْهَرَ وَاللُّؤْلُؤَ وَالذَّهَبَ

ஹதீஸ் எண்: 224

‘கல்வியைத் தேடுவது முஸ்லிமான அனைவர் மீதும் கடமையாகும். தகுதியற்றவர்களிடம் கல்வியை வழங்குபவன், பன்றிகளின் (கழுத்தில்) மாணிக்கம், முத்து, தங்க ஆபரணங்களைத் தொங்க விடுபவன் போலாவான்’ என்று நபி (ஸல்) அவர்கள் கூறியதாக அனஸ் இப்னு மாலிக் (ரலி) அவர்கள் அறிவிக்கிறார்கள்.

(குறிப்பு: இதன் நான்காவது அறிவிப்பாளரான ஹப்ஸ் இப்னு ஸுலைமான் என்பவர் பலவீனமானவராவார். இதன் முற்பகுதி ஆதாரப்பூர்வமான வேறு அறிவிப்பாளர் வரிசையில் பல்வேறு நூல்களில் இடம் பெற்றுள்ளது.)

225 حدثنا أبو بَكْرِ بن أبي شَيْبَةَ وَعَلِيُّ بن مُحَمَّدٍ قالا ثنا أبو مُعَاوِيَةَ عن الْأَعْمَشِ عن أبي صَالِحٍ عن أبي هُرَيْرَةَ قال قال رسول اللَّهِ (ص) من نَفَّسَ عن مُسْلِمٍ كُرْبَةً من كُرَبِ الدُّنْيَا نَفَّسَ الله عنه كُرْبَةً من كُرَبِ يَوْمِ الْقِيَامَةِ وَمَنْ سَتَرَ مُسْلِمًا سَتَرَهُ الله في الدُّنْيَا وَالْآخِرَةِ وَمَنْ يَسَّرَ على مُعْسِرٍ يَسَّرَ الله عليه في الدُّنْيَا وَالْآخِرَةِ وَاللَّهُ في عَوْنِ الْعَبْدِ ما كان الْعَبْدُ في عَوْنِ أَخِيهِ وَمَنْ سَلَكَ طَرِيقًا يَلْتَمِسُ فيه عِلْمًا سَهَّلَ الله له بِهِ طَرِيقًا إلى الْجَنَّةِ وما اجْتَمَعَ قَوْمٌ في بَيْتٍ من بُيُوتِ اللَّهِ ( يَتْلُونَ كِتَابَ اللَّهِ ) وَيَتَدَارَسُونَهُ بَيْنَهُمْ إلا حَفَّتْهُمْ الْمَلَائِكَةُ وَنَزَلَتْ عليهم السَّكِينَةُ وَغَشِيَتْهُمْ الرَّحْمَةُ وَذَكَرَهُمْ الله فِيمَنْ عِنْدَهُ وَمَنْ أَبْطَأَ بِهِ عَمَلُهُ لم يُسْرِعْ بِهِ نَسَبُهُ

ஹதீஸ் எண்: 225

‘இவ்வுலகத் துன்பத்திலிருந்து ஒரு துன்பத்தை விட்டும் ஒரு முஸ்லிமை யாரேனும் விடுவித்தால், நியாயத் தீர்ப்பு நாளின் துன்பங்களில் ஒரு துன்பத்தை விட்டும் அவனை அல்லாஹ் விடுவிக்கிறான். ஒரு முஸ்லிமின் குறையை யாரேனும் மறைத்தால் அவ(னை)ன(து குறைகளை) இம்மையிலும் மறுமையிலும் அல்லாஹ் மறைக்கின்றான். (கடன் போன்றவற்றை நிறைவேற்ற) கஷ்டப்படும் ஒருவருக்கு யாரேனும் சலுகை அளித்தால் இம்மையிலும மறுமையிலும் அல்லாஹ் அவருக்கு சலுகை அளிக்கிறான். ஒரு அடியான் தன் சகோதரனுக்கு உதவி செய்வதில் ஈடுபட்டிருக்கும் போது, அவனுக்கு உதவி செய்வதில் இறைவன் ஈடுபடுகிறான். யார் கல்வியைத் தேடி ஒரு வழியில் செல்கிறாரோ, சுவர்க்கத்திற்குச் செல்லும் வழியை இதன் மூலம் இறைவன் அவருக்கு எளிதாக்குகின்றான். அல்லாஹ்வின் இல்லங்கள் எதிலேனும் ஒரு கூட்டத்தினர் கூடி, அல்லாஹ்வின் வேதத்தை ஓதி, தங்களுக்கு இடையே அதைப் போதித்துக் கொண்டால் அவர்களை வானவர்கள் சூழ்ந்து கொள்கின்றனர். அவர்கள் மீது அமைதி இறங்குகிறது. இறைவனின் பேரருள் அவர்களை மூடிக் கொள்கிறது. மேலும் அல்லாஹ் இவர்களைப் பற்றி தன்னிடம் உள்ள (வான)வர்களிடம் (புகழ்ந்து) பேசுகிறான். எவனது செயல்பாடுகள் சரி இல்லையோ, அவனது பாரம்பரியம் அவனுக்குப் பயனளிக்காது என்று நபி (ஸல்) அவர்கள் கூறியதாக அபூஹுரைரா (ரலி) அறிவிக்கிறார்கள்.

(குறிப்பு: முஸ்லிம், அபூதாவூத், திர்மிதி, நஸயி, இப்னுஹிப்பான், ஹாகிம் ஆகிய நூல்களில் இந்த ஹதீஸ் இடம் பெற்றுள்ளது.)

226 حدثنا محمد بن يحيى ثنا عبد الرَّزَّاقِ أَنْبَأَنَا مَعْمَرٌ عن عَاصِمِ بن أبي النَّجُودِ عن زِرِّ بن حُبَيْشٍ قال أَتَيْتُ صَفْوَانَ بن عَسَّالٍ الْمُرَادِيَّ فقال ما جاء بِكَ قلت أُنْبِطُ الْعِلْمَ قال فَإِنِّي سمعت رَسُولَ اللَّهِ (ص) يقول ما من خَارِجٍ خَرَجَ من بَيْتِهِ في طَلَبِ الْعِلْمِ إلا وَضَعَتْ له الْمَلَائِكَةُ أَجْنِحَتَهَا رِضًا بِمَا يَصْنَعُ

ஹதீஸ் எண்: 226

நான் ஸஃப்வான் இப்னு அஸ்ஸால் (ரலி) என்ற நபித்தோழரிடம் சென்றேன். ‘எதற்காக வந்தீர்கள்?’ என்று அவர்கள் கேட்டார்கள். ‘கல்வி கற்பதற்காக வந்தேன்’ என்று கூறினேன். ‘யார் கல்வி கற்பதற்காக தனது இல்லத்திலிருந்து புறப்படுகின்றாரோ அவரது செயலில் வானவர்கள் திருப்தியுற்று தங்களின் சிறகுகளை தாழ்த்துகின்றனர் என்று நபி (ஸல்) அவர்கள் கூற நான் செவியுற்றுள்ளேன் என ஸஃப்வான் கூறியதாக ஸிர் இப்னு ஹுபைஷ் அறிவிக்கிறார்.

(குறிப்பு: இதன் எல்லா அறிவிப்பாளர்களும் நம்பகமானவர்களே. எனினும் மூன்றாவது அறிவிப்பாளரான ஆஸிம் இப்னு அபின்னுஜுத் என்பவர் இறுதிக் காலத்தில் நினைவு குறைந்து குழம்பிப் போய் விட்டார்.)

227 حدثنا أبو بَكْرِ بن أبي شَيْبَةَ ثنا حَاتِمُ بن إسماعيل عن حُمَيْدِ بن صَخْرٍ عن الْمَقْبُرِيِّ عن أبي هُرَيْرَةَ قال سمعت رَسُولَ اللَّهِ (ص) يقول من جاء مَسْجِدِي هذا لم يَأْتِهِ إلا لِخَيْرٍ يَتَعَلَّمُهُ أو يُعَلِّمُهُ فَهُوَ بِمَنْزِلَةِ الْمُجَاهِدِ في سَبِيلِ اللَّهِ وَمَنْ جاء لِغَيْرِ ذلك فَهُوَ بِمَنْزِلَةِ الرَّجُلِ يَنْظُرُ إلى مَتَاعِ غَيْرِهِ

ஹதீஸ் எண்: 227

‘கற்றுக் கொள்ள, அல்லது கற்றுக் கொடுக்க என்ற ஒரே நோக்கத்திற்காக யார் எனது இந்தப் பள்ளிவாசலுக்கு வருகின்றாரோ அவர் அல்லாஹ்வின் பாதையில் போரிடுபவரின் அந்தஸ்த்தில் இருக்கிறார், யார் இது அல்லாத வேறு நோக்கங்களுக்காக வருகின்றாரோ அவர், பிறரது பொருளைப் பார்த்துக் கொண்டிருக்கின்ற மனிதரின் அந்தஸ்த்தில் இருக்கிறார்’ என்று நபி (ஸல்) அவர்கள் கூறியதாக அபூஹுரைரா (ரலி) அறிவிக்கிறார்கள்.

(குறிப்பு: ஹாகிம், பைஹகீ ஆகிய நூல்களில் இடம் பெறும் இந்த ஹதீஸ் ஆதாரப்பூர்வமானதாகும்.)

228 حدثنا هِشَامُ بن عَمَّارٍ ثنا صَدَقَةُ بن خَالِدٍ ثنا عُثْمَانُ بن أبي عَاتِكَةَ عن عَلِيِّ بن يَزِيدَ عن الْقَاسِمِ عن أبي أُمَامَةَ قال قال رسول اللَّهِ (ص) عَلَيْكُمْ بهذا الْعِلْمِ قبل أَنْ يُقْبَضَ وَقَبْضُهُ أَنْ يُرْفَعَ وَجَمَعَ بين إِصْبَعَيْهِ الْوُسْطَى وَالَّتِي تَلِي الْإِبْهَامَ هَكَذَا ثُمَّ قال الْعَالِمُ وَالْمُتَعَلِّمُ شَرِيكَانِ في الْأَجْرِ ولا خَيْرَ في سَائِرِ الناس

ஹதீஸ் எண்: 228

‘இந்தக் கல்வி கைப்பற்றப்படுமுன் இக்கல்வியைப் பற்றிக் கொள்ளுங்கள்! கைப்பற்றப்படுவது என்பது (இறைவனால்) அது உயர்த்தப்படும் என்பதாகும் என்று நபி (ஸல்) அவர்கள் கூறிவிட்டு தனது ஆட்காட்டி விரலையும், நடுவிரலையும் சேர்த்து ‘அறிஞரும், அறிவைத் தேடுபவரும் கூலியில் பங்காளிகளாவர். ஏனைய மக்கள் எவரிடமும் எந்த நன்மையுமில்லை’ எனக் கூறினார்கள் என்று அபூ உமாமா (ரலி) அறிவிக்கிறார்கள்.

(குறிப்பு: இந்த ஹதீஸின் மூன்றாவது அறிவிப்பாளரான அலீ இப்னு யஸீத என்பவர் பலவீனமானவராவார்.)

229 حدثنا بِشْرُ بن هِلَالٍ الصَّوَّافُ ثنا دَاوُدُ بن الزِّبْرِقَانِ عن بَكْرِ بن خُنَيْسٍ عن عبد الرحمن بن زِيَادٍ عن عبد اللَّهِ بن يَزِيدَ عن عبد اللَّهِ بن عَمْرٍو قال خَرَجَ رسول اللَّهِ (ص) ذَاتَ يَوْمٍ من بَعْضِ حُجَرِهِ فَدَخَلَ الْمَسْجِدَ فإذا هو بِحَلْقَتَيْنِ إِحْدَاهُمَا يقرأون الْقُرْآنَ وَيَدْعُونَ اللَّهَ وَالْأُخْرَى يَتَعَلَّمُونَ وَيُعَلِّمُونَ فقال النبي (ص) كُلٌّ على خَيْرٍ هَؤُلَاءِ يقرأون الْقُرْآنَ وَيَدْعُونَ اللَّهَ فَإِنْ شَاءَ أَعْطَاهُمْ وَإِنْ شَاءَ مَنَعَهُمْ وَهَؤُلَاءِ يَتَعَلَّمُونَ ويعلمون وَإِنَّمَا بُعِثْتُ مُعَلِّمًا فَجَلَسَ مَعَهُمْ

ஹதீஸ் எண்: 229

நபி (ஸல்) அவர்கள் தமது அறைகளில் ஒன்றிலிருந்து ஒரு நாள் வெளிப்பட்டு பள்ளியில் துழைந்தார்கள். அங்கே குர்ஆனை ஓதிக் கொண்டு அல்லாஹ்விடம் பிரார்த்தனை செய்து கொண்டிருக்கும் ஒரு கூட்டத்தையும், கற்றுக் கொண்டும், கற்பித்துக் கொண்டுமிருக்கும் மற்றொரு கூட்டத்தையும் கண்டார்கள். ‘அனைவரும் நல்ல காரியத்திலேயே (ஈடுபட்டு) உள்ளனர். இவர்கள் குர்ஆனை ஓதுகின்றனர். அல்லாஹ்விடம் பிரார்த்திக்கின்றனர். (அல்லாஹ்) நாடினால் அவர்களுக்கு வழங்குவான். அவன் நாடினால் வழங்காதிருக்கலாம். இவர்களோ கற்றுக் கொண்டும் கற்பித்துக் கொண்டும் இருக்கிறார்கள். நான் கற்பிப்பவனாகவே அனுப்பப்பட்டுள்ளேன் என்று நபி (ஸல்) கூறிவிட்டு இவர்களுடன் (கல்விப் பணியில் ஈடுபட்டிருப்போருடன்) அமர்ந்து கொண்டார்கள் என் அப்துல்லாஹ் இப்னு அம்ரு (ரலி) அறிவிக்கிறார்கள்.

(குறிப்பு: இந்த ஹதீஸின் மூன்றாவது அறிவிப்பாளராகிய அப்துர்ரஹ்மான் இப்னு ஸியாத் என்பவரும், நான்காவது அறிவிப்பாளரான பக்ரு இப்னு குனைஸ் என்பவரும், ஐந்தாவது அறிவிப்பாளரான தாவூத் இப்னு ஸிப்ரிகான் என்பவரும் பலவீனமானவர்களாக உள்ளதால் இது மிக மிக பலவீனமான ஹதீஸாகும்.)

 بَاب من بَلَّغَ عِلْمًا  

230 حدثنا محمد بن عبد اللَّهِ بن نُمَيْرٍ وَعَلِيُّ بن مُحَمَّدٍ قالا ثنا محمد بن فُضَيْلٍ ثنا لَيْثُ بن أبي سُلَيْمٍ عن يحيى بن عَبَّادٍ أبي هُبَيْرَةَ الْأَنْصَارِيِّ عن أبيه عن زَيْدِ بن ثَابِتٍ قال قال رسول اللَّهِ (ص) نَضَّرَ الله امْرَأً سمع مَقَالَتِي فَبَلَّغَهَا فَرُبَّ حَامِلِ فِقْهٍ غَيْرِ فَقِيهٍ وَرُبَّ حَامِلِ فِقْهٍ إلى من هو أَفْقَهُ منه زَادَ فيه عَلِيُّ بن مُحَمَّدٍ ثَلَاثٌ لَا يُغِلُّ عَلَيْهِنَّ قَلْبُ امْرِئٍ مُسْلِمٍ إِخْلَاصُ الْعَمَلِ لِلَّهِ وَالنُّصْحُ لِأَئِمَّةِ الْمُسْلِمِينَ وَلُزُومُ جَمَاعَتِهِمْ

கல்வி கற்பிப்பவனது சிறப்புக்கள்!

ஹதீஸ் எண்: 230

‘அல்லாஹ்வுக்காக செயல்களைக் கலப்பற்ற முறையில் செய்தல், முஸலிம்களின் தலைவர்களது நலம் நாடுதல், (அதாவது நல்லவைகளில் அவர்களுக்குக் கட்டுப்படுதல்) முஸ்லிம்களின் கூட்டமைப்பைப் பற்றிக் கொள்ளுதல் ஆகிய மூன்று காரியங்களின் எந்த முஸ்லிமுடைய உள்ளமும் குறைவைக்காது என நபி (ஸல்) கூறினார்கள்.

மேலும் எனது சொல்லைச் செவியுற்று அதைப் பிறருக்கு எடுத்துச் சொன்ன மனிதருக்கு அல்லாஹ் அருள் பாலிப்பானாக! மார்க்கச் சட்டத்தை மனனம் செய்திருக்கும் எத்தனையோ பேர் மார்க்கச் சட்டத்தை அறிந்தவர்களாக இருப்பதில்லை, மார்க்கச் சட்டங்களை மனனம் செய்திருக்கும் எத்தனையோ பேர், அவரை விடவும் விவரமானவரிடம் அதை எடுத்துச் சொல்கின்றார் எனவும் நபி (ஸல்) கூறியதாக ஸைது இப்னு ஸாபித் (ரலி) அறிவிக்கிறார்கள்.

(குறிப்பு: இதன் பிற்பகுதி (இரண்டாவது பாரா) மட்டும் திர்மிதி, அபூதாவூத், அஹ்மத், தாரிமி ஆகிய நூல்களிலும் இடம் பெற்றுள்ளது.)

By admin